Brjálað að gera ;)

Já, það er sko nóg að gera hjá mér hér í Sveré. Var á Álandseyjum um helgina með kórnum mínum (skólakór KTH) og það var barasta mjög gaman. Ég var nú ekki viss hvernig þetta yrði þar sem ég þekkti engan og sonna en svo var bara mjög gaman, mikið sungið nottla en svo líka djammað, dansað, hlegið og kjaftað!
Á föstudagskvöldinu um síðustu helgi buðum við Dagný Betu og Jóni Grétari í mat sem þakklæti fyrir að hafa sótt okkur í IKEA um daginn... Vorum heima hjá mér og svo komu nokkrir íslenskir strákar og bættust í hópinn eftir matinn. Vorum bara í frekar rólegum gír að kjafta og sonna en vorum samt að til kl 3 minnir mig, verrí næs!
Á laugardagskvöldinu gerðumst við Dagný hálfgerðar boðflennur og buðum okkur í afmæli til Ragga. Þar var heill haugur af Íslendingum og þar byrjaði mikið trall. Trallið hélt svo áfram niðri í bæ en við ákváðum að kíkja á Mangó og þar var sko tekið á því…hehe… við skelltum okkur í herbergið með eitís tónlistinni og dönsuðum af okkur fæturna (og sumir af sér fötin…hehemmm…). Þarna hittum við líka Svía einn sem dansaði við okkur allt kvöldið með bros bókstaflega út að eyrum! Gaman að því! Við enduðum svo á því að fara upp í Lappis (stúdentagarðar hér í bæ) og ætluðum í partý þar… en við komum ekki þangað fyrr en um fjögur leytið svo að partýið var auðvitað löngu búið…hehe… svo að þá forum við bara heim… en reyndar komst Stebbi ekki heim því hann á heima í rassg… og þangað eru ekki svo tíðar ferðir á þessum tíma sólarhringsins… en hann fékk bara gistingu hjá strákunum sem búa í Lappis…
Í kvöld er ég að fara í mat til Dagnýjar og hún ætlar að flytja fyrir mig fyrirlestur á sænsku, spennó!
Bless í bili ;)