Leti í blogginu...

Já maður er nú ansi latur að blogga þessa dagana enda í nógu að snúast þegar flytja á úr landi... Ég er komin með íbúð á góðum stað í Stokkhólmi og er mjög fegin að vera búin að redda því. Íbúðin er svolítið dýr en maður þarf auðvitað alltaf að borga fyrir staðsetningu í svona borgum. Það er mjög stutt í miðbæinn frá mér og aðeins lengra í skólann (um 5 km) og ég hef ákveðið að kaupa mér hjól og hjóla í skólann... Ég reikna því með að verða orðin þvílíkt mjó um jólin... hehemmm.. Peningaleysi mitt á líka eftir að koma til með að hjálpa til við að það gangi eftir, en ég hef hugsað mér að hafa hafragraut í öll mál í sparnaðarskyni...
Annars er svo sem ekki mikið að frétta, er á fullu að pakka niður því ég flyt út úr íbúðinni minni um miðjan mánuðinn og ég er að fara norður helgina 12.-14. svo að það veitir víst ekki af að hefjast handa við þetta allt saman. Er búin að senda tvo kassa út og svo ætla ég bara að fara með restina sem ég tel mig þurfa í flugið...
Verð að fara að læra að setja inn myndir á síðuna mína... Það er miklu skemmtilegra. Ég er nottla svo mikið tæknitröll að það verður nú ekkert mál... hehe...
Jæja, segi þetta gott í bili... verð kannski duglegri að skrifa þegar ég verð komin til Sveré :o)