Aðeins farið að róast hjá mér

Já, það er búið að vera ansi mikið að gera hjá mér og því hefur verið lítið um skriftir...
Ég hef eytt miklum tíma undanfarið í að vinna stórt verkefni sem ég svo skilaði og kynnti í síðustu viku og það gekk vonum framar! Svo fékk ég pínu lítið frí... Jei!
Sigurlaug og Sigga, vinkonur mínar frá Íslandi, komu í heimsókn og voru frá föstudegi og þar til í dag. Við höfum að sjálfsögðu haft stíft prógram í búðarrápi og túristaferðum allan tímann. Röltum um Skansen, skoðuðum Vasasafnið, röltum um Gamla stan, fórum í óperuna og töluðum og töluðum og töluðum...hehe...
Afskaplega skemmtilegir og viðburðarríkir dagar að baki sem sagt, en nú tekur alvaran við því skólinn byrjar aftur á morgun. Vona að hann fari bara ekkert of hratt af stað!